Gazetari i “Frankfurter Allgemeine Zeitung”, Michael Martens, ka publikuar Notën Verbale që ministrja e Punëve të Jashtme dhe Diasporës, Donika Gërvalla e ka dërguar në Strasburg.

Në këtë document theksohet vendimi i Qeverisë së Kosovës për të autorizuar Agjencinë Kadastrale të Kosovës që të transferojë 24 hektarë tokë në posedim të Manastirit të Deçanit, në përputhje me zbatimin e vendimit të Gjykatës Kushtetuese të Kosovës.

Në këtë notë të dorëzuar më datën 12 mars, zyrtarizohet se Agjencia Kadastrale e Kosovës ka vepruar në përputhje me urdhrin e gjykatës për regjistrimin e pronësisë në emër të manastirit.

Kryeministri i Kosovës, Albin Kurti, sot ka njoftuar publikisht për vendimin e Qeverisë që të orientojë Agjencinë Kadastrale të Kosovës për të regjistruar 24 hektarët e tokës si pronë të Manastirit të Deçanit.

Ministrja e Jashtme e ka informuar Këshillin e Evropës për këtë hapat e ndërmarra nga institucionet e Kosovës, përmes një note tjetër verbale.

Në komunikimin e saj me Këshillin e Evropës, ajo ka përfshirë edhe një kopje të certifikatës së re të pronësisë, duke vërtetuar regjistrimin e pronës në emër të manastirit.

Gërvalla mes të tjerash shprehu optimizmin se ky veprim nga ana e Kosovës do të ndihmojë në sjelljen e një përfundimi pozitiv në lidhje me kërkesën e Kosovës për anëtarësim në Këshill të Evropës në mbledhjen e ardhshme të majit.

Vendimi i Qeverisë së Kosovës është përshëndetur menjëherë nga Shtetet e Bashkuara të Amerikës./Arbresh.info/

Better late than never: The government of Kosovo has informed the Council of Europe that property belonging to the monastery of Decani has been registered as such. Local politicians in the area will thus no longer be able to stand in the path of justice. Good. pic.twitter.com/NilBxQhmsE

— Michael Martens (@Andric1961) March 13, 2024